Тываның Баштыңы Владислав Ховалыг 2024 чылда чаагайжыдылга объектизин шилиир бадылаашкынга идепкейлиг киржиринче республиканың чурттакчыларын кыйгырган.
Чон чыглыр хөй-ниити черлеринде дежурныйлаан эки турачылар дузазы-биле муниципалитеттерниң сайтылары, za.gorodsreda.ru портал таварыштыр бадылаарын организастаар. 14 хардан улуг назылыг кижи бүрүзү киржир эргелиг.
Бадылаашкында кирген 62 төлевилелдиң 30-ин шилиир деп, Тываның Баштыңы дыңнаткан. Бадылаашкынның түңнели-биле чаагайжыдылга акшазын үндүрер. Республика федералдыг субсидияны алыр дизе, Тываның 51,1 муңдан эвээш эвес чурттакчызы шилилдеге киржирин, Владислав Ховалыг сагындырган. Ынчангаш харыысалгалыг албан черлери болгаш муниципалитеттер удуртукчуларыынга даалгаларны берген.
Владислав Ховалыг бадылаашкынны организастаар ажылды дүүштүрерин дааскан. Аныяктар херектериниң талазы-биле агентилел, муниципалдыг чагырга баштыңнары билдингир хөй-ниити черлеринге дежурныйлаар эки турачыларны деткип, бадылашкынга киржир күзелдиг кижилерге дузалажыр.
2023 чылда Тывада 27 хөй-ниити девискээрлерин чаагайжыдары планнаттынган. Бөгүнде ол объектилер дээш ниитизи-биле 30,3 сая рубльге керээлер чардынган. Кызыл мэриязындан база Тожу кожуун чагыргазындан аңгыда, шупту тус чер чагырга черлери керээ түңүнүң 30 хуузу хемчээлдиг аванс төлевирин тудугжуларже шилчиткен.
Сайыр-Даш Середар: «Очень благодарны Президенту, что сделали проект «Время героев»
«Время героев» - программа развития для участников специальной военной операции.