Социал четкилерде Тыва Республиканың чурттакчылары хевирлиг шериг албан-хүлээлгелиглерниң чуруктарын салбышаан, ырбапкан деп, шынга дүүшпес, меге медээ үнген.
Ол медээни нептередип тараткан кижилер актыг кижиниң алдар-адын базып, меге дыңнадыгны тарадып чорутканы дээш, РФ-тиң Кеземче хоойлузунуң “Нүгүлдээшкин” деп 128.1 чүүлүнге онаажып, 500000 рубль чедир торгаалды азы шалыңының төлевири хире хемчээлди алды айның иштинде төлээр ийикпе, азы 160 шак иштинде албан ажылдаар кылдыр шииткелди алыр.
А бир эвес интернет дээн ышкаш информация телекоммуникация четкилерин ажыглап, массалыг информация чепсектеринге ажык-чарлыы-биле нүгүлдээшкинниг чүүлдерни үндүрер болза, ону бижээн кижилерни азы кижини РФ-тиң Кеземче хоойлузунуң ол-ла чүүлүнде айыттынганы езугаар бир сая чедир рубльге торгаар ийикпе, азы бир чыл иштинде шалыңын азы өске-даа орулгазын тырттырып, аза ийи чыл иштинде албадал-биле ажылдадыр, азы ийи ай иштинде хоругдадып, азы ийи чыл чедир хууусаада хосталгазын казыттырып шииттирерин сагындыраал.
Сөөлгү үеде Украинада база бистиң чуртувуста болуп турар болуушкуннар-биле холбаштыр шынга дүүшпес хөй-ле медээлер “фейк” арыннардан үнүп турар. Бадыткаттынмаан медээлерге бүзүревезин, хынаттынган шын медээлерни номчуп, ажыглаарын силерден диледивис.
Улуг-Хемский район готовится принимать детей республики в рамках летней оздоровительной кампании
В Туве продолжается подготовка к детской летней оздоровительной кампании. Например, в лагере «Чорудаа» Улуг-Хемского района начался ремонт.