Тээли суурда Улуг салгалдың харылзажыр төвү эжиктерин ажыткан. Россияның Социал фондузунуң Тыва Республикада салбыры регионда бешки төптү ажытканы ол.
Cалбырның удуртукчузу Светлана Кенден төптү ажытканының ужур-дузазын чыылганнарга таныштырып, байырын чедирген.
Чыглып келген хоочуннар аяк шайны аартап ора, онзагай төптүң ажыттынганынга сеткил ханып, омак-хөглүг хөөрежип, удуртулгага өөрүп четтиргенин илереткеннер.
Бии-Хем кожуундан келген ыраажы хоочуннар орус чоннуң ырыларын күүседип, байыр чедиргени онзагай болган. Бай-Тайга кожууннуң чоргааралы – хоочуннарның ат-сураглыг «Мөңге сайзанак» ансамблиниң киржикчилери база чыылганнарга бараан болуп, оларның сеткил-хөөнүн улам-на көдүрген.
Бай-Тайгада Улуг салгалдың харылзажыр төвү ажыттынган
13 октября 2023
50