Бай-Тайга кожууннуң «Наадым-2026» байырлалынга сумулар аразынга «Чайның үш байы» деп онзагай фестиваль-мөөрей болуп эрткенин чагырга чери дыңнаткан.
Шай байырынга аңгы-аңгы оъттардан кылган шайларның каш янзы хевирлерин көргүскен. 1-ги черни Чимисмаа Кончук (Шуй), 2-ги черни Алена Донгак (Бай-Тал), 3-кү черни Чойганмаа Хертек (Ээр-Хавак) олар чаалап алган.
Быштак кылырынга 1-ги черлерде – Лидия Кандан биле Аяс Шожунчап (Кызыл-Даг), Анай-Хаак Чапаевна (Бай-Тал).
Чеп эжеринге 1-ги черни Бай-Талдың (10000 акша), 2-ги черни Кызыл-Дагның (7000 акша), 3-кү черни Хемчиктиң (5000 акша) төлээлери алган. Ээр-хавакчылар биле шуйжулар тускай шаңналдарга төлептиг болган.
Кидис салырынга 1-ги черде Кызыл-Даг (10000 акша), 2-ги черде Хемчик (7000 акша), 3-кү черде Ээр-Хавак (5000 акша).
Хол-биле кылган ажылдар делгелгезинге Бай-Талдың шеверлери тиилээн.
Тиилекчилерге кожууннуң удуртулгазы акша шаңналдарын база суй белектерни тывыскан.