Бай-Тайганың адалар чөвүлелиниң даргазынга Сайын-Херел Сааяны соңгаан

Бай-Тайга кожууннуң адалар чөвүлелиниң отчет-соңгулдалыг хуралы болуп эрткен. Чөвүлелдиң даргазы Эртине Доржу эрткен чылда кылып чоруткан ажылдарының дугайында отчетту чыылганнарга таныштырган.

Амгы үеде тыва дылдың байдалының элээн нарын болу бергениниң дугайында, ону келир салгалга арыг, чаагай арттырып бээриниң аргаларын, арага болгаш «кара таакпының» хоразының база ажы-төлдүң кижизидилгезинге ада кижиниң ролюнуң дугайында айтырыгларны элээн ханы сайгаржып, чугаалашканнар. Ада кижиниң өг-бүле амыдыралында туружун бедидер сорулгаларны салган.

Адалар чөвүлелиниң кылып чоруткан ажылдарның түңнелдерин чүгээр деп санааш, чөвүлелдиң чаа даргазынга кожуунда уругларның немелде өөредилге чериниң башкызы Сайын-Херел Саая соңгаан.