Бай-Тайганың эки турачылары бадылап шыдавас кижилерге дуза кадарынга белен

2024 чылда чаагайжыдар хөй-ниити девискээрлерин шилиир төлевилелге Тываның 10 муң ажыг чурттакчызы бадылапкан. Чаа сесерликтер, парктар, бажыңнар чанының девискээрлери – чурттап турар хоорай, кожуун, суурларыңарның чаагайжыдылгазы силерниң үнүңерден хамааржыр.

Интернет таварыштыр бадылап шыдавас кижилерге эки турачылар дузаны кадар. Бай-Тайга кожуунда 16 эки турачы өөредилгени эрткенин чагырга чери дыңнаткан.Олар бадылаашкынның билдингир хөй-ниити черлеринге ажылдап, күзелдиг улуска канчаар бадылаарын тайылбырлап, планшеттери азы смартфоннары таварыштыр таныштырар.

Байга-Тайга кожуундан чаагайжыдар сес хөй-ниити девискээри кирген: Кызыл-Дагда хоккей шөлчүгежи, Тээлиде уруглар шөлчүгежи, Ээр-Хавакта скейт шөлчүгеш.

Тываның Баштыңы Владислав Ховалыг 2024 чылда чаагайжыдар объектилерни шилииринге республиканың чурттакчыларын кыйгырганын сагындыраал.

Чаагайжыдылга акша-хөреңгизин хуваарда, бадылаашкынның түңнелдерин көөр. Республика федералдыг субсидияны алыр дизе, Тываның чурттакчы чонундан 51,1 муңдан эвээш эвес кижи бадылаар ужурлуг.

2023 чылда Тывада 27 хөй-ниити девискээрлерин чаагайжыдар. Бо хүнде шупту ол объектилерге ниитизи-биле 30,3 сая рубльге керээлер чардынган.

«Таарымчалыг хоорай хүрээлелин хевирлээри» федералдыг төлевилелди боттандырары-биле, май 31-ге чедир чаагайжыдылга объектилери дээш https://za.gorodsreda.ru/. шөлчүгешке ээлчеглиг бүгү-российжи онлайн-бадылаашкын уламчылаар.