Тээлиде В.Д. Иргит аттыг "Авырал" немелде өөредилге төвү тускай шериг операциязынга киржип тургаш, маадырлыы-биле амы-тынындан чарылган чаңгыс чер чурттугларынга тураскаал кылырынга үлүг-хуузун кииргенин өөредилге чери дыңнаткан.
Тураскаалдың таваан салырынга "Авырал" эки турачылар школазының кежигүннери идепкейлиг киришкен.
Бай-Тайганың маадыр оолдарынга чаңгыс чер чурттугларындан хүндүткелдиң болгаш сактыышкынның демдээ болур тураскаалды чондан чыгдынган акша-төгерик-биле тудуп турар.