Бай-Тайга кожууннуң "Бай өнчү" төөгү-шинчилел музейинге чайгы дыштанылга үезинде школачылар доктаамал кээп турары культура чери дыңнаткан.
Музейиниң эргелекчизи Светлана Самбый-оол аалчыларынга төрээн чуртунуң төөгүзүнүң, чонунуң езу-чаңчылдарын, культуразын, салым-чаяанныг чаңгыс чер чурттугларының дугайында таныштырган. Ол ышкаш уруглар болгаш оолдар музейниң шыгжамырларын улуг сонуургал-биле көргеннер.
Бай-Тайганың ус-шеверлериниң болгаш уран салым-чаяанныг кижилериниң төрээн чуртунга музей турары чугула деп бодалы-биле шудургу ажылының туңнелинде тургустунган бо музейде Светлана Самбый-оол кожуунга келген аалчыларга болгаш школачыларга музейниң төөгүзүнүң болгаш ажыл-ижиниң база ында шыгжамырларының дугайында солун тайылбырны бээри чаңчыл болган.
