Арыскан сумузунга эр улус аразынга ажыктыг, солун, боттарының күжүн шенежир ыяш чарар мөөрейни эрттиргенин чагырга чери дыңнаткан.
Көдээ черде эр чон оолдарын чажындан тура эдертип алгаш ыяш ажылынга өөредип, кижизидип турар хүн бүрүнүң ажылы. Ыяш-биле суугу одап турар болгаш суурнуң хары безин карак чылчырыктаар, кылаңайнып чыдар.
Балды даажы, чарган ыяш шаккылааны, изиг-изиг маргылдаа чоруп турарын эрткен кижилер сонуургап, киржикчилерниң хөөнүн көдүрүп турган.
Мөөрейниң негелдези – 15 токпакты кым кайы хире үе ишти чарыптарын көөр. Хемчегге 13 эр кижи киришкен.
Кашпагай оолдар чаңгыс минута дургузунда бир терге хире ыяшты чарып каапкан.
1-ги черни Артем Байыр (1 минута 9 секунда), 2-ги черни Алик Серендук (1 минута 24 секунда), 3-кү черни Саян Савый (1 минута 32 секунда), 4-кү черни Азият Мунзук (1 минута 38 секунда), 5-ки черни Белек Байыр (1 минута 47 секунда), 6-гы черни Мөңгүн-оол Мунзук (1 минута 58 секунда), 7-ги черни Назын-оол Шивит-оол (2 минута 32 секунда) ээлээн.
Эң улуг назылыг киржикчилер – Начын-оол Шивит-оол, Орлан Сат.
Сай-Суу Даваакай, Алдынай Чульдум, Константин Тас-оол, Радик Сарыг-оол, Чечек Сырбыкай, Роляна Конгар деткикчилээн.
