«Чалыы армия» хөй-ниити шимчээшкининиң регионалдыг штавының удуртукчузу Айдын Шивидек Тываның Баштыңының Айыткалынга хамаарыштыр бодалын илереткенин республиканың немелде өөредилге сайзырадыр төвү дыңнаткан.
– Тываның Баштыңы 2026 чылды – Тургузукчу күш-ажылдың болгаш өг-бүле ыдыктарының чылы кылдыр чарлаан.
Республикада база бир күш-ажылчы өг-бүлени таныштырайн. Эрткен субботада Балгазын суурда хөй ажы-төлдүг Хертектерниң өг-бүлезинге четтим.
Өгнүң эр ээзи өшкүлер азырап турар. Өөнүң ишти Снежана Алдын-ооловна – күш-ажылчы, омак-сергек херээженнерниң бирээзи. Ортумак өөредилге чериниң хөй-ниити чуртталга бажыңында кижизидикчи башкы кылдыр ажылдап чоруур. Ооң бурунгаар чүткүлүнүң үндезини – чаагай амыдыралче быжыг бүзүрел, уруг-дарыынга ынакшылы. Ол уругларының кижизидилгези, өөредилгези, кадыкшылы болгаш хөй талалыг сайзыралынче бүгү боду-биле бердинген.
Ол ышкаш Шагаа таварыштыр өг-бүлеге хөмүр-дашты болгаш уруг-дарыынга чылыг идик-хепти чедирдивис