Барыын-Хемчик кожууннуң чагырга чери час¬кы тарылга ажылдарынче 870,77 рубльди үндүргенин көдээ ажыл-агый эргелели дыңнадып турар. Кывар-чаар материалдар садып алырынче 323 муң рубльди үндүрген. Чангыс чылдыг сиген үрезинин 348,4 рубльге, ногаа культураларының үрезинин 101,87 рубльге, картофель үрезинин 97,5 рубльге садар.
Бөгүнде кожууннуң девискээринде көдээ ажыл-агый культуразын тарыырынга 1596,3 гектар (эрткен чылга деңнээрге, 7,3 хуу өскен) черни аңгылаан. Ооң иштинде чаңгыс чылдыг сигенни 1368 гектарга, картофельди 220 гектарга, ногаа аймаан 8,3 гектар черге тарыырын планнаан.
Часкы хову ажылдарын өй-шаанда чорудары-биле “Ничкинское” КХН-ден кызыл-тас, арбай, Ольга Баузерниң тараачын арат ажыл-агыйындан сула, “Хакагроторг” КХН-ден хөй чылдыг сиген садып алыр керээлерни чарган.
Тарылга ажылдарынга тос комбайн, 96 трактор, картофель олуртур, үрезин чажар автомашиналарны, культиваторларны болгаш өске-даа техниканы хаара тудар.
Суггарылга арыктарын аштап арыглааш, буга баштарында сугну бадырган. График езугаар Бижиктиг-Хая сумузундан черни суггарып эгелээр. Ниитизи-биле суггат болгаш ажыл-агыйжы каналдарының узуну 68 километр. Ооң иштинде 36 километр черни аштап арыглаан. Артканын май 1-ге чедир доозар.
Бо чылын Барыын-Хемчик кожуунда «Улусчу картофель» төлевилел-биле 388 өг-бүлени картофель үрезини-биле хандырар. Ол ышкаш 240 өг-бүле “борщ түүн” алыр.
Барыын-хемчикчилер дыштаныр хүннерни хилис эрттирбейн, картофель, ногаа тарыыр дээш белеткенип турарлар.
Подростки в Туве смогут зарабатывать на карманные расходы в свободное время
Минтруд Тувы сообщил, что подростки в возрасте 14–18 лет смогут заработать на карманные расходы в свободное от учебы время.