Национал школа хөгжүдер институт өөредилге-кижизидилге шугумунда ажылдап чоруур башкыларга база хүндүлүг хоочуннарга профессионал байырлалын таварыштыр байыр чедирген.
– Башкы – эң-не буянныг болгаш чаагай чолдуг мергежилдерниң бирээзи. Өзүп орар салгалды эртем-билигниң өндүр делегейинче эдертип киирип, угаан-медерелин, сагыш-сеткилин болгаш мага-бодун хевирлеп, сайзырадып, дадыктырып, чуртувустуң төлептиг хамаатылары болурунга белеткээри кончуг нарын болгаш харыысалгалыг ажыл.
Силер сургуул бүрүзүнүң онзагайын билип, өзүлдезин хайгаарап, ооң улуг чуртталганың бедик эргининче баскан базым бүрүзүн кады чурттап эртип чоруур силер. Ол дээрге силерниң мергежилиңерге бердингениңерниң, башкылал ажылының алыс өзээн ёзулуу-биле билириңерниң бадыткалы-дыр.
Чоннуң ажы-төлүн өөредиринге билиг-мергежилиңерни, сеткил-чүрээңерни төдү өргүп чоруур буянныыңарны бөгүн онза демдеглеп, эң-не ыыткыр мактаксаар-дыр бис!
Хүндүлүг башкылар! Ал-боттарыңарга, ажы-төлүңерге, чоок кижилериңерге кадыкшылды болгаш чедиишкиннерни, аал-коданыңарга амыр-тайбыңны күзеп, ажыл-ижиңерге чаа ажыдыышкыннарны, тиилелгелерни йөрээдивис! Байырлал-биле!
В Туве провели мониторинг цен
Служба по тарифам Республики Тыва опубликовала мониторинг цен на хлеб, молоко и молочную продукцию, а также на фрукты, бакалею, мясо и мясные продукты и овощи от 18 апреля.