Андрей Дементьевтиң сураглыг шүлүү тыва дыл башкыларының ассоциациязының даргазы, шүлүкчү Меңги Ооржактың очулгазында
Башкыларны уттуптар деп семевенер,
Олар бисти үргүлчү-ле сактып чоруур.
Оожум, ыржым өрээлинде оруп алган
Манап орар – эки сөстү, бисти база.
Эвээш-биче чыглып, душчуп кээривис –
Эргим, ынак башкывыска байырлал-дыр.
Сургуулдарының чедиишкини, тиилелгези –
Сувуразы башкывыска өөрүшкү-дүр.
А бис арай тоомча чок апаар-дыр бис:
Чаа чылда байыр безин чедирбейн баар.
Чайывыс чок азы анаа чалгаараан боор,
Аралашпас, чагаалашпас, долгашпас-даа.
Олар бисти манап орар. Сагыш човап,
Шыдамыктың, шынчының-даа, чолдугнуң-даа
Шылгалдазын тудуп эрткен бистер дээштиң
Омаа дендеп, чоргаарланып, йөрээп орар.
Башкыларны уттуптар деп семевеңер,
Байгы үнген күжү хилис барбас болзун.
Уран-мерген Башкылар-биле
Россиявыс алдаржаан-даа!
Ажы-төлү сорук кирип
Ада-чуртун сурагжыткан.
Башкыларны уттуптар деп семевеңер!