«Баштайгылар» бойдус хүрээлелиниң камгалалында

«Баштайгыларның шимчээшкини» уруглар болгаш аныяктарның бүгү-российжи шимчээшкининиң регион салбыры Чөөн-Хемчикке өг-бүлениң элээди бойдус шинчээчилерилериниң фестивалын эрттиргенин кожуунда шимчээшкинниң салбыры дыңнаткан.

Элээди бойдус шинчээчилери ада-иези-биле «Үстүү-Хүрээ» фестивалын эрттирер кайгамчык чараш черге экспедиция фестивалынга мөөрейлешкен.

Сүт-Хөлден, Өвүрден, Чөөн-Хемчиктен чеди өг-бүле төрээн чериниң бойдузу-биле таныжып алыр дээш, солун аян-чорукка киришкеннер. Оолдар болгаш уруглар ховар үнүштер дугайында хөйнү билип алганнар. Ол ышкаш турисчи доңну дүерин өөренип, квест-оюнга киришкеннер.

– Спортчу хемчегни элээдилерни болгаш аныяктарны экология-биологтуг база бойдус хүрээлелин камгалаар ажыл-чорудулгаже киириштирер сорулгалыг эрттирип турар – деп, шимчээшкинниң Чөөн-Хемчикте төлээзи Анастасия Куулар демдеглээн.

Элээн каш даалгаларны күүсеткеш, Сүт-Хөл кожуундан Ооржактарның өг-бүлези тиилекчи болган. Шаңналдыг черлерге төлептиг болган өг-бүлелерни өртектиг белектер-биле шаңнап-мактаан.