Чөөн-Хемчик кожууннуң Бажың-Алаак ортумак школазы 90 чыл оюн байырлыг байдалга демдеглээн. Найыралдың коллективке ТР-ниң Дээди Хуралының Даргазы Кан-оол Давааның байыр чедириишкинин тыва парламентиниң Национал, аныяктар политиказының, спорт, туризм болгаш үндезин эвээш санныг чоннар херектериниң талазы-биле хораазының даргазы Саян Ондар дамчыдып чедирген.
– Эрткен тозан чыл каш салгалдың башкылар коллективиниң чогаадыкчы күш-ажылы-биле онзаланып турар. Силерниң бедик мергежилиңер, мерген угааныңар болгаш шыдамык чорууңар ачызында муң-муң өөреникчилериңер чурттуң төлептиг хамаатылары болган.
Амгы школа коллективиниң ажылдакчыларының аразындан эки ажылдыг башкылар Люля Сатты, Чодураа Монгушту, хоочун башкы Ираида Ондарны дээш өскелерни-даа демдеглеп турар бис. Оларның үре-түңнелдиг ажылынга чаңгыс чер-чурттуглары чоргаарланыр. Техниктиг ажылдакчылар – Сылдыс-оол Сат, Чечек Донгак, Игорь Ховалыг оларны база маңаа мактавас аргажок – деп, Саян Ондар чугаалаан.
Депутат парламентиниң шаңналдарын бөлүк башкыларга болгаш ажылдакчыларга тывыскан.
Бажың-Алаак ортумак школазының 90 чыл ою
29 октября 2024
9