Чаа чылдың дыштанылга хонуктарында Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев «Күзелдер шивизи» бүгү-российжи акциязының киржикчилериниң күзелин боттандырарынга дузалаан.
Тываның төвү Кызыл хоорайның чурттакчызы, беш харлыг Саша хөгжүм дыңнаарынга, самнаарынга, чуруктарлыг номнар көөрүнге ынак. Ол ышкаш машиналарның аңгы-аңгы хевирлерин болгаш эптээр конструктарларны чыып турар.
Президентиниң Сибирь федералдыг округта бүрүн эргелиг төлээниң ачызында Саша ийи коллекцияны алган: ооң ойнаар машиналарынга элээн каш чычаан немешкен, чаа конструктор-биле машиналар тургузар черни чайлыг тудуп ап болур.