“Тыва кобальт” комбинаттың артынчыларын узуткааны беш муң ажыг кижиге таарымчалыг салдарны чедирген.
Тывада шагдагы “Тыва кобальт” даг-болбаазырадылга комбинадының артынчыларын техниктиг арга-биле узуткаар ажылдар доозулган. Чеди-Хөл кожуунда ол объектини «Экология» национал төлевилел чорудуу-биле аштап-арыглап, беш муң ажыг кижиниң айыыл чок чоруун хандырган.
ТР-ниң Арга-арыг болгаш бойдус ажыглалының яамызы улуг ажылдар кылдынганын дыңнаткан: айыылдыг артынчыларны чок кылып, хөрзүннүң кырыкы каъдын арыглаан.
“Тыва кобальт” даг-болбаазырадылга комбинадының артып каан боктар артынчылары Хову-Аксы база Сайлыг суурлар чурттакчыларының мал-маганынга чылдың-на айыылды тургузуп, каражаны чедирип турган.
Чазын агып баткан, хоралыг бүдүмелдер-биле холушкан хар суун мал-маган ишкеш, хорап турган таварылгалар бар. Эрткен чайын чаъстыг үеде шак-ла ындыг болуушкун демдеглеттинген. Ынчангаш ол ийи суурнуң чурттакчылары малын комбинат девискээриниң чоогунче одарлатпазын кызыдарлар. Чылдың-на дузалал ажыл-агыйлары 15-20 баш малын чидирип, каражага таваржып турган.
Ам комбинат чоогунуң девискээринге хыналда мониторингини үш чыл улаштыр эрттирер.
Беш муң ажыг кижиниң айыыл чок чоруун хандырган
8 апреля 2022
60