Беш тонна пивону хавырган

Байырлал хүннериниң үезинде Тывага арага садарын хоруп каан турган. Ынчалза-даа хоойлуга чөрүштүр арага садып турар черлер бары чажыт эвес.

Улуг-Хемниң муниципалдар аразының иштики херектер килдизиниң полиция болгаш лицензия талазы-биле албанының ажылдакчылары кожууннуң чагырга чери-биле ээлчеглиг хыналдазының үезинде, Шагаан-Арыгның ийи садыындан бир тонна эзиртир суксунну (пиво) хавырган.

Эрткен дыштаныр хүннерде эзирик чолаачының хайы-биле Улуг-Хем кожууннуң девискээринге автомашиналар үскүлешкен түңнелинде беш кижи амы-тынындан чарылган. Баш удур истелгениң түңнелинде, орук озал-ондаа эзирик чолаачының буруузу-биле болганы илереттинген.

Арага-дары аймаан хоойлуга чөрүштүр садып-сайгарар чоруктарны болдурбас дээш, полиция ажылдакчылары рейдилерни уламчылаар.