Бай-Тайганың Кызыл-Даг суурда Х.А. Анчымаа-Тока аттыг эге класстар школазынга «Үжүглелим, байырлыг!» деп байырлал болуп эрткенин өөредилге чери дыңнаткан.
Уруглар «Үжүктер чуртунче» аян-чорук кичээлинге идепкейлиг харыылап, алган билиглерин шынзыдып бадыткааннар. Алфавит хаанның даалгалары уругларга онза солун болган.
Бо үе дургузунда уруглар, оолдар дыка хөй чүүлдерни билип алганнар. Класстың удуртукчу башкызы – Вера Конгар-оол.
Директорнуң өөредилге ажылының талазы-биле оралакчызы Долаана Сүге-Маадыр тергиин өөреникчилерге шаңнал бижиктерни тывыскан.
Үжүглел номун төндүр өөренип, үжүк-бижикти билип алганы – уругларның оруунда база бир чедиишкини.
Ада-иелер уругларын деткип, чараш байырлалга келгеннер.