Тывада тускай шериг операциязының киржикчилерин болгаш оларның өг-бүлелерин деткиир хемчеглер уламчылап турар.
Бо хонуктарда ТР-ниң Кадык камгалал яамызының Дус-Хөлде пансионадынга Бии-Хем кожуундан Төрээн чурту дээш амы-тынын хайыралавайн бажын салган база ис чок читкен дайынчыларның авалары дыштанганын чагырга чери дыңнаткан. Беш ие эм шынарлыг хөлдүң эриинге кадыкшылын быжыктырган.
«Ада-чурт камгалакчылары» күрүне фондузунуң Тывада салбырының Бии-Хемде социал координатору Алина Карьянова биле Ада-чурт дайынчыларының өг-бүлелериниң комитединиң кожуунда удуртукчузу Татьяны Монгуштуң дузазы-биле маадырларның аваларын дыштандырган.
