ТР-ниң чурагайлыг хөгжүлде сайыды Идегел Монгуш Куран арбанында соталыг харылзаа болгаш мобильдиг интернет тыптып келгенин дыңнаткан. Ында “Билайн” харылзаа операторунуң станциязын тургускан.
Тес-Хем кожууннуң Куран арбанында 100 хире кижи чурттап турар. Оларның хөй кезии хүндүлүг дыштанылгада хоочуннар.
Куранчыларның өреге бүрүзү мал-маганныг. Сөөлгү үелерде чүгле улуг назылыглар эвес, а хөй ажы-төлдүг аныяк өг-бүлелер база арбанда чурттап турар апарган.
Дүрген харылзаалыг интернетке коштунганы куранчыларга амгы үениң арга-шинектерин берген.
Тываның Чурагайлыг хөгжүлде яамызы республикага чурагайлыг харылзааның девискээрин калбартыр, ооң шынарын улам экижидер талазы-биле ажылдарны регионнуң харылзаа операторлары-биле кады чедиишкинниг чорудуп турар.
Открытки с штемпелем буддийского форума отправили из Тувы по всему миру
Сегодня, 17 августа, у Национального музея Тувы работала белая юрта, где все желающие бесплатно отправляли открытки с памятным штемпелем IV Международного буддийского форума.