Билелиг хөлдүң эриинде "Ай-чырыы" деп баштайгы эко-отель ажыттынган

Бии-Хем кожууннуң кайгамчык чараш Билелиг хөлдүң эриинде "Ай-чырыы" деп баштайгы эко-отельди Ростуризмниң шугуму-биле деткимче алган киржикчи ажыткан. ТР-ниң культура болгаш туризм сайыды Виктор Чигжит байырлыг хемчегге киришкен.

Тываның Баштыңы Владислав Ховалыг республика иштинге туризмни сайзырадырынче улуг кичээнгейни салып турар. Россияның Туризм талазы-биле федералдыг агентилелиниң удуртукчузу Зарина Догузова Тывага аян-чоруунуң түңнелинде Тываның Баштыңы-биле ужурашкаш, республиканың онзагай бүдүштүг болгаш ховар культуразын магадап көргенин база регионда турисчи улуг күчү барын демдеглээн.

Чурт иштинге туризмни сайзырадыры-биле Туризм талазы-биле федералдыг агентилел Тыва, Хакасия болгаш Красноярск крайның девискээрлери-биле эртер “Сибирь дыштанылгалары” деп чаа национал турисчи маршрутту эгелээрин шиитпирлээн турганын сагындыраалы.