Чурттуң Президентизи В. Путин 2026 чылды Россияда чоннарның чаңгыс деминиң чылы кылдыр чарлаан.
Республиканың школаларында чоннарның чаңгыс демниг чоруунга хамаарыштыр хемчеглер чоруттунуп эгелээнин республиканың немелде өөредилге сайзырадыр төвү дыңнаткан.
Тес-Хем кожууннуң Берт-Даг суурунуң школазынга «Кышкы хуулгаазынның мозаиказы: Россияның чоннарының Чаа чыл байырлалынга хамаарышкан чаңчылдары» кичээлди директорнуң кижизидилге талазы-биле оралакчызы 5-7 класстарның өөреникчилеринге эрттирген.
Оолдар, уруглар чурттуң аңгы-аңгы булуңнарында чоннарның Чаа чылга хамаарышкан чаңчылдары-биле танышкан. Ол ышкаш школачылар байырлалдың езу-чаңчылдарынче шымныгып, Россияның регионнарында бир онзагай чаңчылдарны билип алганнар.
Кичээлдиң киржикчилери Сибирьниң, ыраккы Чөөн чүктүң, Соңгу Кавказтың, Поволжьениң чурттакчыларының чаңчылдары-биле танышканнар. Регион бүрүзү байырлалды уттундурбас болдуруп турар бир-тускай чаңчылдыг.
Школачылар эп-найыралдыг байдалга Чаа чыл байырлалының дугайында билип алган болгаш, чурттуң аңгы-аңгы чоннарының хөй янзылыг культуразы оларны сорук киирген.
