РФ-тиң Президентизиниң бот-идепкейи-биле үндүргени федералдыг программаның иштинде 2022 чылда регионнуң 27 школазы капитал септелгени чорудар ужурлуг.
Каа-Хем кожууннуң Ильинка биле Бүрен-Бай-Хаак суурларының школалары бо чылын чагыгны киирген турган болгаш, школаларны капитал септелге чорударынга белеткел ажылдары эгелээн. Хүлээникчилер тодарадаттынган болгаш удавас капитал септелгени чорудуп эгелээр.
Тываның өөредилге сайыды Алексей Храмцов Ильинка биле Бурен-Бай-Хаак школаларынга Каа-Хем кожууннуң администрациязының төлээлери, школаларның директорлары база септелге ажылдарының күүседикчилери-биле хуусааларны, салдынган сорулгаларны база харыысалгалыг талаларны демдеглээн ажылчын хуралдарны эрттирген.
– Бо элээн каш айлар дургузунда капитал септелге чорудар ужурлуг 27 школаның школа бүрүзүн хууда көрүп чоруп тур мен. Школаларның капитал септелге талазы-биле ажылдарын күүседири-биле хүлээникчи организацияларны тодарадыр ажылдарны дооскан бис.
Муниципалитеттерниң удуртукчулары база 27 школаның директорлары-биле, септелге ажылдарының күүседикчилери-биле ужуражылганы чооку үеде хууда эрттирер мен. Ажылдарны ам эгелээр болгаш бистиң ажыл-чорудулгавысты каттыштырар ужурлуг бис – деп, Алексей Храмцов демдеглээн.
Тывада үш чыл иштинде капитал септелге ажылы регионнуң 75 школазын хаара тудар ужурлуг.
Кызылский транспортный техникум отметил 60-летний юбилей
60 лет исполнилось Кызылскому транспортному техникуму.