ТР-ниң Экономиктиг хөгжүлде болгаш үлетпүр яамызының дыңнатканы-биле алырга, «Көдээ девискээрлерниң комплекстиг хөгжүлдези» күрүне программазы-биле Шагаан-Арыг хоорайга хөй ажыглалдыг спорт залдың тудуу 2026 чылда эгелээр.
Россияның Көдээ ажыл-агый яамызы биле Тываның Чазааның аразында чарган федералдыг субсидиялар бээриниң дугайында дугуржулга езугаар, спорт залдың тудуу 2027 чылдың төнчүзүнде доостур ужурлуг.
2024 чылда-ла ТР-ниң Экономиктиг хөгжүлде биле Улуг-Хем кожуун чагыргазы кады «Көдээ девискээрлерниң комплекстиг хөгжүлдези» күрүне программазының хемчеглерин, ооң иштинде Шагаан-Арыгга хөй ажыглалдыг спорт шөлүн тудар төлевилелди боттандырар дугайында чагыгны киирген турган. Россияның Көдээ ажыл-агый яамызының 2026-2027 чылдарда акшаландырар кылдыр деткээни чагалар санында төлевледиң киргени ол-ла чылдың ноябрьда-ла билдине берген.
Амгы үеде төлевилелдиң чагыкчызы болур Улуг-Хем кожуун чагыргазы муниципалдыг садып алыышкынны эрттирери-биле документилерни белеткеп эгелээн. Бөгүнде спорт объектини тудар чер участогу тодараткан – Олимпийская кудумчузунуң ийи бажыңынга. Төлевилелдиң күүселдезинче 230 сая ажыг рубльди тускайлаары көрдүнген.