Тываның Күш-ажыл болгаш социал политика яамызы 2025 чылда республика социал керээге үндезилээн күрүне деткимчезиниң хемчеглерин ам база боттандырарын дыңнаткан.
Дөрт аңгы углааныышкынга – ажыл тывары, бодунуң ажыл-херээн ажыдары, хууда дузалал ажыл-агыйын хөгжүдери база өске-даа хемчеглер дээш ук деткимчени бээрин сагындыраал.
Хемчеглерни боттандырарынче регион ниитизи-биле 750,8 сая рубльди алыр. Бо чылын дузаламчыны 3268 хамааты: ажыл дилээринге социал керээ чарган 571 кижи, бодунуң бизнезин ажыдар дээн 1250 кижи, 959 кижи хууда дузалал ажыл-агыйын хөгжүдер, амыдыралдың берге байдалын ажып эртери дээш 488 кижи дузаны алыр.
Регионнуң Күш-ажыл яамызының демдеглээни болза, социал керээлерни чарарының негелделери болгаш чуруму өскерилбейн арткан. Амыдырап-чурттаарының кудуку хемчээлинден эвээш орулгалыг өг-бүлелерге азы чааскаан чурттап турар хамаатыларга дузаламчыны көргүзер – Тывада 2025 чылда ол 17910 рубль кылдыр доктааттынган.
Күрүне деткимчези-биле бизнести эгелеп азы хууда дузалал ажыл-агыйын тургузар дээн кижи хууда сайгарлыкчы азы бодун ажыл-биле хандыртынган кижи кылдыр бүрүткедип алыры албан сагыыр негелде болур.
Социал керээге үндезилээн күрүне деткимчезин алырда, чурттап турар чериниң аайы-биле Чонну ажылга хаара тудар төпче кээп болурун сагындыраал.
2024 чылда Тываның 3008 чурттакчызы социал керээ-биле күрүнеден деткимчени алган. 880 кижи ажылды тып, 720 кижи хууда дузалал ажыл-агыйын организастап, 971 кижи боттарының ажыл-херээн ажыдып, 437 кижи берге байдалдарны ажып эртеринге дузаны алганнар.
Огородническое движение в Овюрском районе: мастер-класс Чодураа Куулар для местных жительниц
В Овюрском районе прошел мастер-класс по огородничеству для жительниц села Хандагайты, организованный социальным координатором фонда "Защитники Отечества" Чодураа Куулар.