“Бодуңдан эгеле” деп акцияга Каа-Хем кожуун каттышкан

Декабрь 1-ге чедир чурттакчы чон эт-хөреңги дээш үндүрүглерин төлээри албан. Чыл санында эртип турар “Бодуңдан эгеле” деп акцияның киржикчилери өске үндүрүг төлекчилеринге үлегер-чижекти көргүзери-биле албан төлээр чыылдаларны хуусаа бетинде бодунуң күзели-биле төлеп эгелээн.

Каа-Хем кожууннуң чагырга чериниң ажылдакчылары чаңгыс чер-чурттугларын албан төлээр чыылдаларны хуусаа бетинде төлеп, чаңгыс чер-чурттугларынга үлегер-чижээн көргүзүп, үндүрүглер төлээринче кыйгырган.

Федералдыг үндүрүг албанының Тыва Республикада эргелели nalog.gov.ru сайтыда “Үндүрүг төлекчизиниң хууда кабинединден” азы gosuslugi.ru “Күрүне ачы-дузазы” порталындан азы үндүрүг органындан чеже акша үндүрүг төлээрин билип ап болурун сагындырып тур. Ол ышкаш тодаргай медээни чаңгыс аай харылзаа-төвүнүң 8-800-222-2222 дугаарлыг халас долгаар телефонундан билип ап болур.