Бойдус хүрээлеңин камгалаар акция

Черниң шагы – делегейде эң хөй киржикчилиг экологтуг акциязы. Акцияның сорулгазы – чер бөмбүрзектиң бойдузунга, ооң курлавырынга чугула харыысалгалыг болурун кичээнгейге алыры. Аңаа чылдың-на киржип турар чурттар чугула экологтуг теманың бирээзин көдүрүп турар.

«Черниң шагы» делегей акциязының эң дүшкүүрлүг кезээ:

• 180 чурттуң сая-сая чурттакчылары бир шак дургузунда шупту электри чырыын болгаш электрилиг эт-херекселин өжүрер.

• Делегейде муң-муң архитектурлуг тураскаалдарның (Эйфель суургазы, Биг-Бен, Колизей…) чырыын өжүрер.

Долгандыр турар бойдус хүрээлеңин камгалаар демиселге демнии-биле каттыжып турарын көргүзер сорулга-биле март 25-те 20.30 шактан 21.30 шакка чедир хары угда электри энергиязын өжүрер.

Россияда «Черниң шагы» делегей акциязын 2009 чылдан тура демдеглеп эрттирип турарын сагындыраал. Бистиң чуртувустуң чээрби сая ажыг чурттакчызы чылдың-на экологтуг акцияга идепкейлии-биле киржип турар.