Бо чылын Өвүр кожуундан 106 өг-бүле социал хөмүр-дашты алыр. Даңзыже чедери берге суурлар Саглыдан он алды, Дус-Дагдан сес, Чаа-Суурдан он дөрт, Ак-Чыраадан дөрт хөй ажы-төлдүг өг-бүле база кирген.
Чыл келген тудум ук социал деткимче алыкчыларының саны немежип турарын кожууннуң чагыргазы дыңнаткан. Бир эвес 2020 чылда оларның саны 88 турган болза, бо чылын 106 четкен.
Кожууннуң Өг-бүлеге болгаш уругларга социал дуза чедирер төпте “Социал хөмүр-даш” төлевилелин езугаар оттулар чүүл деткимчезин алыр өг-бүлелерге чедирер.
Тываның Одалга болгаш энергетика яамызында “кара алдынны” чедирер графикти тургускан. Хөмүрнү «Транспорт сервизи болгаш төлевилел» күрүнениң унитарлыг бүдүрүлгези чедирер.
Чүс ажыг өг-бүле социал хөмүр-дашты алыр
11 октября 2022
32