Сүт-Хөл кожууннуң Черлиг-оол Куулар аттыг төп ном саңынга «Чаңчылывыс кагбаал, сагыызын дег эдилээл» деп езу-чаңчылдар шагы болуп эрткенин ном саңы дыңнаткан.
Суг-Аксы школазының 10 «а» клазының өөреникчилери хемчегге киржип, таалың, тос карак, кадак, даңза, кымчы деп чүл деп айтырыгларга харыылап, улустуң аас-чогаалы тывызыктажып, үлегер домактажып, дүрген чугаалажып киришкеннер.
Чурт-шинчилел килдизиниң библиотекары О.К. Коңзай-оол база Информация төвүнүң библиотекары А.А. Ондар езу-чаңчылдар шагын эртиргеннер.
Ном саңы школаның тыва дыл болгаш чогаал башкызы Г.Д. Ондарга, директорнуң кижизидилге талазы-биле оралакчызы А.А. Даш-Шивиге кады демнежип ажылдап турары дээш четтиргенин илереткен.