«КрасАвиа» авиакомпания «Улан-Удэ – Кызыл – Улан-Удэ» авиарейсче субсидиялыг билеттерни садып эгелээн. Майның 26-да бирги рейс ужар.
Тываның база Бурятияның эрге-чагыргаларның саң-хөө деткимчези-биле чүгле чамдык бөлүктүң хамаатыларынга эвес, а бүдүн рейске субсидия көрдүнген. Кызылдан субсидиялыг рейске Москва биле Красноярскиден аңгыда, Улан-Удэже ужудуушкун база немешкени ол.
Чаа авиарейс ийи республиканың турисчи делгемнерин ажыдар. Тывада-даа, Бурятияда-даа бойдустуң, шажынның онзагай черлери хөй: Иволга хүрээзи, Үстүү-Хүрээ, Байкал, Азас хөлдер, аржаан суглар дээш, өске-даа черлер ам четтингир апаар.
Неделяда бир катап, четвергтерде авиарейсти кылыр. Ужудуушкун үш шак уламчылаар. Билеттиң өртээ – 6445 рубль.
Билеттерни «КрасАвиа» авиакоманияның албан езузунуң сайтызындан, азы чурт иштинде өске-даа авиакассалардан садып ап болур.
Чаа авиарейс ийи республиканың турисчи делгемнерин ажыдар
7 мая 2022
61