Тываның Одалга болгаш энергетика яамызы Чаа чыл болгаш Рождество байырлалдарының узун дыштаныр хонуктарында республика девискээринде оттулар чүүл шыгжамырларының ажылдаар чурумун дыңнаткан.
Регионалдыг оператор «Транспорт сервизи болгаш төлевилел» күрүнениң унитарлыг бүдүрүлгезиниң чурттакчы чонга хөмүр садып-сайгарып турар черлери декабрьның 31-де, январьның 1, 2, 6, 7 база 8 хүннеринде дыштаныр.
Декабрьның 30-де оттулар чүүл шыгжамырлары 14.00 шакка чедир ажылдаар. Байырлалдар аразында январьның 4, 5 база 6-ның хүннеринде ажылдаар. Шыгжамырлар ол хүннерде график езугаар бүдүн хүн ажылдаар.
Тываның даг-руда компаниязы январьның 4, 5 база 6-да ажылдаар, юридиктиг эргелиг улуска хөмүрнү 08:00 шактан 17:00 шакка чедир чүдүрер. Хөмүр-даш уургайы декабрьның 30 база 31-де, январьның 1, 2, 6, 7 болгаш 8-те дыштаныр.
Хууда оттулар чүүл шыгжамырларының ээлери ажылдаар чурумун боттары тургузар. Ол черлерниң телефоннарынче долгааш, тодаргай медээни ап болур.
Республикада ажылдап турар оттулар чүүл шыгжамырларының долу даңзызын, адрестерин болгаш харылзажыр телефоннарын дараазында айтылгадан тып ап болур 👉 https://clck.ru/37DauE