Чаагайжыдылга объектилери дээш бадылаашкын уламчылар турар

“Чурттаар чер болгаш хоорай хүрээлели” национал төлевилел чурттакчы чоннуң боттарының девискээрлерин болгаш дыштанылга черлерин чаагайжыдып алырынга дорт киржиринден аңгыда, республикага – экономикаже инвестицияны алыр эки дөстү берип турар.

Тус черниң дыка хөй чурттакчылары ындыг арга-биле боттарының үзел-бодалын илередип, хоорай, суурун чаагайжыдарынга киржип болур. Ынчангаш чаагайжыдар объектилерниң төнчү даңзызын тургузуп турда, кижи бүрүзүнүң үнү улуг рольду ойнаар. Ындыг болганда, ТР-ниң Тудуг яамызы чаңгыс чер-чурттугларын бадылаашкынга идепкейлиг киржирин кыйгырган.

Эрткен чылдың бадылаашкынының түңнели-биле, бо чылын республиканың хоорай база суурларында 30 хөй-ниитиниң шөлдерин эде чаартыр, ынаар күрүне 100 сая рубльди аңгылаан.

Май 31-ге чедир чаагайжыдылга объектилери дээш https://za.gorodsreda.ru/. шөлчүгешке ээлчеглиг бүгү-российжи онлайн-бадылаашкын уламчылаар.