Чаарттынган «Хүнчүгеш» эжиктерин ажыткан

Ыраккы Тере-Хөл кожууннуң төвү Кунгуртуг суурда "Хүнчүгеш" уруглар сады үндезин септелге соонда, ажылдап эгелей берген.

Тываның Баштыңы Владислав Ховалыгның эрткен чылын ажыл-агыйжы сургакчылаашкынының үезинде ук уруглар садының ажылдакчылары эргижирээн оран-саваны чаартырының дугайында дилээн турган.

Бо хунде септеттинген уруглар садынче 90 чаштар барып турар. Тере-Хөл кожууннуң чону, ада-иелер Чазак Даргазынга четтиргенин илередип турар.