Чааты, Иштии-Хем сумуларында көвүрүг кежиглериниң тудуу

Бо чылын Улуг-Хем кожуунда хары угда үш көвүрүг туттунуп турарын чагырга чери дыңнаткан. Арыскан сумузунда көвүрүгнү ажыглалче киирген.

Чааты сумузунда "Чоннуң көвүрүү" төлевилел-биле «Чодураа» уруглар лагеринче, малчын коданнарже баар орукта кара-сугну кежир көвүрүгнү тудуп эгелээн.

Иштии-Хем сумузунда А.В. Макал-оолдуң удуртулгазы-биле сес тудугжу көвүрүг кежиин хуусаазында доозар дээш, эртенден орай кежээге чедир ажылдап турарлар. Көвүрүгнүң дооразы 8 метр, узуну 40 метр. Удавас иштии-хемчилерниң хөй чылдарда бүтпейн турган күзели бүдер.