Чөөн-Хемчик кожууннуң төвү Чадаана хоорайда Монгуш Буян-Бадыргы аттыг Тываның национал-музейиниң салбырынга «Убса-Нур ыйгылаажы» биосферлиг заповедниктиң дириг амытаннарының болгаш ажыл-чорудулгазының дугайында көргүзүг материалдарлыг тускай делгелгени организастаан.
Бүгү делегейниң онза камгалал объектилериниң (ЮНЕСКО) даңзызынче "Убса-Нур ыйгылаажы" заповедникти киирериниң талазы-биле улуг ажылды чоруткан биология эртемнеринин доктору, профессор, ТР-ниң Дээди Хуралының депутады Сергей Ондар музейге келген аалчыларга, Чадаанада Тываның технология техникумунуң сургуулдарынга делгереңгей тайылбырны кылган.
Делгелгени бо айның төнчүзүнге чедир бараалгадыр.
