Тываның девискээринде хоорайдан дашкаар болгаш школа чанында хүндүскү лагерьлерде уруглар хөглүг болгаш ажыктыг дыштанып турар.
Кадыкшыдылга черлеринге уруглар барык ай чыгыы турар болганда, башкыларга оларга хүн бүрү солун болгаш таарыштыр тургускан программа-биле хемчеглерни эрттирип турар. Ол дээрге шимченгир спортчу болгаш угаан сайзырадыр оюннар, мастер-класстар, концерттер, мөөрейлер база кежээки танцы-сам.
Хүнзедир эки хөөннүг, сагыш-сеткил хайныышкынныг, эрес-омак хүнзээр кылдыр бүрүн үнелиг болгаш амданныг чемненилге эргежок чугула. Уругларның хүн бүрүде хуваалдалыг чеминче ногаа, чимис, сүт аймаа, быжырганнар болгаш эът, балык аймаандан чемнер кирген.
Уруглар хүннүң-не чаагай, амдан-сүүзүннүг эртенги, дүъштеки база кежээки чемнерни эки хөөннүг чооглап турарын Улуг-Хем кожууннуң “Чодураа” лагериниң болгаш Сукпак суурнуң хүндүскү лагериниң чуруктары бадыткап турар.
#Өөредилгеяамызы #Чайгыдыштанылга #Улуг_хемкожуун #Сукпак #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
