«Айыыл чок чай» акция езугаар Тес-Хем кожууннуң Шуурмак суурунда база Арт кырында чайлагларже үнүүшкүннү чорутканын ТР-ниң Өөредилге яамызы дыңнаткан.
«Хыналда үезинде хайгаарал чок назы четпээн уруглар илереттинмээн. Чайлагларда чурттаар чери чок, бүрүткел эртпээн улуг кижилер чурттавайн турар. Ада-иелер база улуг улус-биле назы четпээннерниң айыыл чок чоруунга хамаарыштыр профилактиктиг чугааны кылгаш, айыыл чок дыштанылганың дүрүмнерин тайылбырлаан информация материалдарны үлээн» – деп, кожууннуң ажылдакчылары дыңнаткан.
Ажылчын бөлүк 15 чайлагны хынаан. Назы четпээн уруглар ада-иезиниң база улуг улустуң хайгааралында.
