Тываның лагерьлеринде бирги сезон дооступ турар, чамдыктарында ийиги сезон эгелээн. Муң-муң оолдар биле уруглар июньнуң чылыг хонуктарын ажыктыг болгаш хөглүг эрттиргеннер.
Уруглар аңгы-аңгы мөөрейлерге боттарының салым-чаяанын, тывынгырын болгаш кашпагайын көргүскен. Ол ышкаш олар спорт-биле өңнүктежип, маргылдааларга киржип, турисчи походтарже, экскурсияларже барып турганнар.
Төрээн суурунуң экологиязын кадагалаары, дыштанып турар лагериниң девискээрин арыг-силигге тудары – лагерьлерниң кижизидилге ажылының кол темалары. Уруглар экологтуг десант үезинде, чоок-кавы суурларның чурттакчыларын долгандыр турар онза-чараш бойдус хүрээлелин болгаш экосистеманы кадагалаарынче база үнелээринче кыйгырып турган.
Чайгы дыштанылга лагерьлериниң башкылары, вожатыйлары уругларга ажыктыг хемчеглерни эрттирген, паштанчылары амдан-сүүзүннүг аъш-чемни белеткеп турганнар.
Хөглүг дыштанылга үезинде уруглар чаа найыралдажып таныжып алган эш-өөрү-биле моон-даа соңгаар аралажып ужуражырлар. Оларга чайгы дыштанылга уттундурбас чылыг, чырык сактыышкын болуп артып калыр.
#Чайгыкадыкшыдылгакампаниязы #Өөредилгеяамызы #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Чайгы кадыкшыдылга кампаниязы-2022: бирги сезон дооступ турар
6 июля 2022
52