Чартык чылдың түңнелдери: 17 төлевилел боттанып турар

Бо чылын Тывада 17 губернатор төлевилели боттанып турар. Ынаар «Тываның сүдү», «Чоннуң картофели», «Чоннуң көвүрүү» деп чаа төлевилелдер база кирген.

Чартык чылдың түңнелдери-биле республикада 40 объектини тудуп турар: 14 биче хүрежир спорт залы («Эзирлернин уязы), 12 көдээ культура бажыңы («Сорунза»), 14 көвүрүг («Чоннуң көвүрүү»).

«Кадыкшылдың оруу» төлевилел-биле республиканың 9253 чурттакчызынга халас эмчи дузазын чедирген.

Хөй ажы-төлдүг болгаш эвээш орулгалыг 9253 өг-бүле «Социал хөмүр-даш» төлевилели-биле одаар чүүлдү алыр.

Хөй ажы-төлдүг болгаш эвээш орулгалыг 22454 өг-бүле «Улусчу картофель» төлевиледиң ачызында «ийиги хлебтиң» халас үрезиннерин алгаш олурткан.

«Тываның сүдү» төлевилелдиң күүселдези-биле сүт-бараан фермазы болгаш сүт хүлээр пунктулар тургузары-биле ажылдарны чорудуп турар.

“Өг-бүле бүрүзүнге бирден эвээш эвес дээди эртемниг уруг” төлевилелинде
5576 школачы киржип турар.

«Эр башкы – дагдыныкчы болгаш удуртукчу» төлевилел езугаар 1258 эр башкыны республиканың 189 школазынче ажылдаары-биле хаара тутканр.

Ол ышкаш республикада «Кеш», «Дүк», «Чурттап турар суурум», «Ивижи өг-бүлеге эт-херексел» төлевилелдерни боттандырып турарын сагындыраал.

#Чартыкчылдыңтүңнелдери #Губернатортөлевилелдери #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews