Улуг-Хем кожууннуң Арыг-Үзүү сумуда “Оргаадай” көдээ ажыл-агый хереглел кооперативи чер аӊдарар идегелдиг хөлгези – машина-техниканы белеткеп эгелээн. Элбек тараа дүжүдүн ажаап алыры часкы хову ажылдарынга белеткелден эгелээрин кооперативтиң удуртукчузу Эрес Мандан-оол эки билир.
Ажыл-агый 2006 чылда тургустунган, ооң кол угланыышкыны – тараа тарып өстүрери, ону болбаазырадып, хоюг тыва далган бүдүрери. “Оргаадай” кооперативи “Чаңгыс суур – чаңгыс бүдүрүлге” төлевилелинге киржип, саң-хөө деткимчезин алган соонда, ажыл-ижи улам шуудаан. Тараа аймаан элээн улуг хемчээлдиг шөлдерге тарып өстүрүп, ооң дүжүдүнден чүгле тыва далганы эвес, мал чеминге ажыглаар чарбаны база бүдүрүп турар.
Амгы үеде тыва далганны кооператив тускай дериг-херекселге чогуур технология ёзугаар бүдүрүп, саазын хаптарга савалап, үндүрүп турар. Бедик шынарлыг хоюг тыва далганны хереглекчилер эки билир апарган. Ылаңгыя улуг назы-харлыг кижилер күзелдии-биле садып алыр.
Четыре бойца из Тувы приняли участие в первичном отбора программы «Время героев»
«Время героев» – это программа кадровой переподготовки для участников специальной военной операции.