Тээлиниң Х. Тойбухаа аттыг чурулга школазында тыва эр кижиниң үш оюнунуң бирээзи – ча адар оюннуң баг адар хевиринге кожуун чергелиг бир дугаар маргылдааны эрттиреринге белеткел ажылдары чоруп турарын Бай-Тайга кожууннуң баштыңы Экер Байс дыңнаткан.
– Шагаа байырлалы чоокшулап турар. Чурулга школазының шевер башкылары чаларны, согуннарны база багларны кайы хире кылып турарын хынап көрдүвүс.
Маргылдаага тиилекчи болган мерген адыгжыларыга кожууннуң "Шагаа мергени" деп ат тыпсыр дугайында шиитпирни хүлээриниң айтырыын база чугаалаштывыс.
Ча адар оюннуң баг адар хевиринге бистиң кожуундан "Мерген адыгжы" деп бедик аттың үш эдилекчизи бары – биске улуг чоргаарал. Өгбелерден дамчып келген ча адар оюннуң баг адар хевирин удуртулга деткип, аныяк-өскенге дамчыдары чугула.
Часпас адыгжылар маргылдаазынга белеткел
29 января 2023
25