Чеди-Хөл кожууннуң төп ном саңыда тудуг ажылдары

Хову-Аксы суурда “Сорунза” төлевилели-биле кожууннуң төп саңының тудуу уламчылап турарын чагырга чери дыңнаткан.

Тудуг ажылдары 80 ажыг хуу күүсеттинген. Бир каът оран-саваның ниити шөлү – 353 дөрбелчин метр. Амгы үеде тудугжулар сери болгаш ном саңының даштын шып турар. Иштики шеверлер, электри энергиязын, чылыдылга системазын кожар болгаш видеохайгаарал болгаш өрт медээлээрин тургузар ажылдар арткан.

Тудуг ажылдарында Чеди-Хөл кожууннуң сумуларының, Хову-Аксының культура ажылдакчылары хаара туттунган. Чыл төнчүзүнге чедир ном саңы чаа оран-савалыг болуру манаттынып турар.