Чээли дыштанылгазынче канчаар үнүп болурул?

Бир эвес силерде ипотека, кредит картазы, авто азы хереглел чээлизи бар болза, оларны силер 6 ай хуусаага чедир соңгааарладып ап болур силер. Чээли дыштанылгазын бо чылдың сентябрь 30-ге чедир ап болур.

Бир эвес:

- керээңерни 2022 чылдың март 1-ге чедир долдурган болза;

- эрткен чылга көөрде чагыг киирериниң бетинде айның дургузунда орулгаңар адак дизе 30 хире хуу кудулаан болза, төлээшкиннерни соңгаарладыр эргелиг силер.

Чээли дыштанылгазын канчаар долдуруп ап болурул?

Банк орулгаларның кудулаанын бадыткаан документилерни негеп болур:

- ажылдап турар черинден 2-НДФЛ шынзылга;

- ажыл чоктуң бүрүткел шынзылгазы;

- эмнелге хуудузу.

Банкының чыырын болгаш дамчыдарын негээн документилерин чээли дыштанылгазын дилээниниң соонда 90 хонуктуң дургузунда чыыр. Барыктыг чылдагаан барда ол хуусааны ам-даа 30 хонукта узадып болур. Ооң соонда банк 5 хонуктуң дургузунда документилерни өөренип көргеш, харыызын бээр.