Барыын-Хемчиктиң арга-арыг даамалының харыылап турар кожууннарының бирээзи – ыраккы Мөнгүн-Тайга.
Мөңгүн-Тайганың арга-арыг даамалының болгаш чагырга чериниң ажылдакчылары бир демин көргүзүп, кожуунундан долу эвес мобилизацияга келдирткен болгаш тускай шериг операциязында киржип турар хамаатыларның өг-бүлелеринге дуза чедирер ажылды шалыпкын чорутканын Барыын-Хемчик кожууннуң чагырга чери дыңнаткан.
Кыжын одаар ыяш хереглеп турар хамаатыларның чизезин тургузуп, чогуур документилерни шалыпкыны-биле чыып, дыштаныр хүннерде долу эвес мобилизацияга келдирткен болгаш тускай шериг операциязында киржип турар 21 хамаатының өг-бүлелеринге оттулар ыяшты белеткээн. Бөгүн ыяшты чедирери планнаттынган.
Барыын-Хемчиктиң арга-арыг даамал чери долу эвес мобилизацияга таварышкаш чорупкан хамаатыларның өг-бүлелерин оттулар ыяш белеткеп кезер документилерни дарый белеткеп бээрин дыңнадып турар.
