Тес-Хем кожуун чагыргазы өскүс болгаш ада-иезиниң азыралы чок өскен уруглар эрге-байдалдыг 24 хамаатыга чаа бажыңнарының дүлгүүрлерни байырлыг байдалга тывыскан.
Кожууннуң чагырга даргазының социал политика талазы-биле оралакчызының хүлээлгезин күүседип турар Регина Намчак чаа бажыңнар алганнарга байырны чедирген. Кожуунда 121 өскүстер бажың оочурунда. Социал бөлүктүң хамаатыларынга дээш Самагалдай суурда ажыглалче киирген бажыңнардан аңгыда, Тес-Хемде ам-даа дөрт кижи бо чылын бажыңын алыр.
Бо удаада Белек Биче-оол, Белек Тюлюш, Алдын-Белек Дажы, Аяс Пичи-оол, Олча Монгуш база 19 аныяктар дүлгүүрлерни алыр аас-кежиктиг болганын кожуун чагыргазы дыңнаткан.
Республиканың болгаш кожууннуң удуртулгазы чурттакчы чоннуң эң камгалал чок кезээ, ада-иези чок арткан уругларның сонуургалдарын камгалаары-биле болдунар-ла чүүлдерни кылып турарын демдеглээн. Регина Намчак дүлгүүрлерни тутсуп тура, чаа бажыңнарга эң-не дидим бодалдар болгаш күзээшкиннер боттанып, чаштар үнү кезээде чаңгыланып турарын күзээн.
2013-2021 чылдарда 2208 оран-саваны тудары (садары) планнаттынган турган. Ол сорулганы чедип алырынга 3 117 879,1 муң рубль, ооң иштинде: федералдыг бюджеттен – 2 332 512,3 муң рубль, республика бюджединден – 785 366,8 муң рубльди тускайлаан.
2013 чылдан 2021 чылга чедир 1399 кижи тускайжыттынган чуртталга шөлдерин хөлезилээр керээ-биле чурттаар оран-саваларны алган.
Более 40 семей военнослужащих ЧВК «Вагнер» получат от правительства Тувы денежную поддержку на погребение родных
В Туве действуют меры поддержки, оказываемые родственникам погибших в ходе СВО военнослужащих, в том числе мобилизованных и добровольцев.