Тургустунганындан бээр бо чылын 55 харлаан юбилейин эрттирер, Улуг-Хем кожууннуң «Чодураа» чайгы дыштанылга лагеринче путевкаларны садып эгелээн.
Улуг-Хем кожууннуң өөредилге эргелелиниң дыңнадып турары-биле, путевканың хоойлу аайы-биле санап тургускан өртээ бир сезонда 14836 рубль болур. Улуг-Хем кожууннуң өөреникчилеринге чиигелделиг кылдыр тургускан өртээ сезонда 6200 рубль болур.
«Чодураа» лагери кешбэк программазында киржип турар. Ада-ие путевка өртээн "Мир" деп банк картазы-биле төлепкен соонда, 5 хонук дургузунда путевканың өртээниң чартыы төлээн картаже дедир эглип кээр.
Путевка өртээн төлеп турда частырыг турбазы-биле өөредилге эргелелинге чедип кээрин сумелеп турар. Харылзажыр телефоннар: 8 (394-36) 2-11-41, 89232487767.
Путевка садып алырда чугула херек документилер:
1. Авазының азы ачазының шынзыдылга документизиниң хоолгазы(паспорт)
2. Өөреникчиниң төрүттүнген херечилелиниң хоолгазы.
Улуг-Хемниң «Чодураа» лагери республиканың тергиин чайгы дыштанылга лагери деп хөй удаа үнеледип келген.
Мерген КЫРГЫС.