Улуг-Хем кожууннуң Чодураа суурунга 176 олуттуг чаа школаны тударын ТР-ниң Өөредилге яамызы дыңнаткан.
Шак ындыг школаларны Ийи-Тал болгаш Ак-Эрик суурларда туткан. Мөңгүн-Тайга кожууннуң Кызыл-Хая суурда база чаа школа тудуу эгелээн.
Төлевилелде спорт болгаш хуралдаар залдар, чемненир чер, өөренир кабинеттер амгы үениң негелделеринге дүүштүр тургускан. Ол ышкаш школа шупту эргежок чугула дериг-херексел, эт-сеп-биле долузу-биле дериттинер.
Чодураа суурда школа тудуу «Көдээ черлерниң комплекстиг хөгжүлдези» деп РФ-тиң күрүне программазының хемчеглериниң боттандырылгазының чорудуу-биле 2023-2024 чылдарда тудугже субсидия бээр объектилерниң даңзызынче киргенин сагындыраалы. Школа тудуун 2024 чылда доозар.
Тывада бо хүнде «Өөредилге» национал төлевилелдиң чорудуу-биле 10 школа тудуу чоруттунуп турар, оларның дөртүн бо чылын ажыглалче киирер.
Будущие педагоги-психологи проходят практику в школах Тувы
Преддипломная практика для выпускников Тувинского государственного университета – это ключевой этап обучения, она позволяет перенести теоретические знания в реальную жизнь