“Чаагайжыдылга” муниципалдыг унитарлыг бүдүрүлгениң удуртулгазы Автомобилистиң хүнүн таварыштыр транспорт цегиниң чолаачыларының болгаш ажылдакчылырының аразынга мөөрейни эрттирген.
Киржикчилер орук шимчээшкининиң дүрүмнеринге билиглерин хынап, дугуйну дүрген солуурунга, хол бөмбүүнге, стол теннизинге болгаш аргамчы тырттарынга маргылдашкан.
Орук шимчээшкининиң дүрүмнерин Амир Монгуш тергиин эки билир болган. Ийиги черде – Чаян Монгуш, үшкү черде – Иван Донгак.
Ролан Хомушку дугуйну эң-не дүрген солаан. Ийиги черде – Шагаачы Кыргыс, үшкү черде – Кушкаш-оол Чалзып-оол.
Стол теннизинге Амир Монгуш шылгараан. Ооң шаңналы – бир шоодай далган. Ийиги черни Буян Середар (шоодай картофель), үшкү черни Ролан Хомушку (беш кил чигир) олар чаалап алган. Ук маргылдаага кол инженер Руслан Дондай-оол деткикчилээн.
Хол бөмбүүнге бирги черге төлептиг болган команданың шаңналы – директордан дириг хой.
Бүдүрүлгениң директору Эрес-оол Оруспай чолаачыларга ак орукту күзеп, тиилекчилерге өртектиг белектерни тыпсып, шаңнап-мактаан.
