Чонга ужур-дузалыг төлевилелдерни деткээн

Тываның Баштыңының чанында Хамаатыларның эгелээшкиннерин деткиир чөвүлел хуралынга чөвүлелдиӊ кежигүннери-биле кады 400 ажыг удуртукчу, республиканыӊ хөй-ниити организацияларыныӊ төлээлери, федералдыг болгаш республика чергелиг организацияларныӊ, республиканыӊ кожууннарыныӊ удуртукчулары киришкен.

Тываның Баштыңы Владислав Ховалыг хөй-ниитиниӊ айыыл чок чоруунуӊ болгаш республикада социал амыдыралды экижидериниӊ дугайында темаларны идип үндүрген.

Чөвүлел хуралдыӊ хүн айтырыынга элээн каш угланыышкын талазы-биле кезек төлевилелдерни: чамдык категорияларныӊ хамаатыларын социал амыдыралга чаӊчыктырары, күш-ажылга хаара тудары, республиканыӊ чурттакчыларыныӊ кадык чаагай амыдыралын хевирлээри, хамаатыларныӊ чиик чаагай сагыш-сеткилин камгалаары база эрге-хоойлу хажыдар болгаш кем-херек үүлгедир чоруктарныӊ профилактиказыныӊ дугайында сайгарып чугаалашкан.

Тываныӊ Чазаа чонга ужур-дузалыг 12 төлевилелди деткиир деп шиитпирлээн.